iPaid

Tks Reona for sending me this great comic!

閒時買下六合彩 回報隨時幾個開

胆中左2，腳中左8,28同特別號碼23

呢篇文章係想同大家分享下我最近成日中六合彩既心得，禽日行行下街走去買左兩張飛共 $35，結果又中左 $160。好似好濕碎，但我記憶所及，係六合彩加左價之後，我起碼中左 10-15注安慰獎(3個字)，4-5注 6 獎 (3個半字)，仲有 1-2注 5 獎(4個字) [都有接近 $2000進帳啦]。全部都係半注中，我都係小賭移情下啫，要創業興家既任務，都係由我既正職教書加補習去做啦。

自從六合彩加左價之後，好多人可能都好似我咁，買小左甚至乎唔再買。

我喺買少左之餘，亦做左少少功課 (貴左嘛，所以咩做啲嘢去提高命中率囉)，喺網上面揾左啲資料，download左馬會既過往開彩記錄略作分析，之後就愈黎愈旺啦。

我既少少心得如下：

• 要買自選胆拖 (中的話會和味啲)，3拖4(4注)，或4拖4(6注)，唔好買單式、或者電腦飛；
• 胆及腳的號碼要打散，即係唔好全部細號碼做胆，全部大號碼做腳。
• 半注買 (實中架咩)；
• 同埋最緊要係 ----- 買啲常開既號碼 (唔好鬧住，睇埋落去先)：開得較多既係單位數，同40位數，平均都會各開1-2個左右，比起10位數20位數及30位數都係各開一個為多，所以我通常都會畫2個單數，2個40位數。
• 在劃飛既時候可以劃缺一門既注，即係譬如買1, 7, 13, 33, 48, 49，為缺20位數 (缺一門)。

我都係每逢有金多寶，或者好多期冇人中累積彩金有差唔多3000萬，我先會去買，每次買50蚊，彩金再多啲咩買夠$100蚊囉。
 
各位又有冇咩心得同分享丫？

為何「現代教育」會可以上市？

上圖顯示美國對每位學生的實質開支持續上升, 香港又何嘗不是呢?

  What if the NFL Played by Teachers' Rules?

文中大意指若果對教師的考核，是可以似全美美式足球聯盟般，一名隊員能獲續約與否要視乎表現，表現佳甚至乎會獲得大幅加薪。

但教師的升遷制度並非如此，反而是在成功入行後不論表現皆可年年升 grade (除非有嚴重違反教師守則)，直到退休。若教師薪資可以以其表現作調整，相信「現代教育」補習社應該上唔到市，

這世上是沒有免費午餐的 (There is no such thing as free lunch)

Sources:

The Consumerist

 
背景：

面書(facebook)最近被人發現即使在用戶已登出後，依然會記錄用戶的瀏覽記錄(cookies)，被懷疑是用以出售圖利。

邊個要保護？魯芬八両金的福音？

好想知道呢位教授的樣貌如何？

在街頭見到呢位靚女

離婚率怎計算

昨天看了一份新的免費報紙—「晴報」。其版面的廣告之小，實在令人看得非常賞心悅目。有好多嘢真係只會在最初的時候是美好的。。。。。

而其中一個「最初的時候是美好的」便是婚姻。

「晴報」在8月3日的一篇文章正是談這個—中國離婚率。

假離婚推高離婚率

乍看來，中國的離婚率怎麼這麼高呀？我好像聽說過，有些地方的人，為了要多拿一些福利，而假離婚。譬如地方按家庭單位賠償農地，夫妻離婚後算兩個家庭因此會分多一份，但兩夫妻離婚後依然同住。這麼就可能會推高離婚率。

但，假離婚會推高多少呀？大城市如北京的應該不會有這些假離婚罷！為何大陸的離婚率為何會這麼高？又要超英趕美嗎？要解答這個，便先要攪清楚，究竟什麼是離婚率呀？(事實上，報紙常常都會報導一些數字，但又不解釋清楚該些數字是什麼意思，只把外電給翻譯過來便算)

離婚率的計算方法

要知道什麼是離婚率，即是要解答：「離婚率是怎樣計算出來的？」

讓你選選看：

A.是看所有人口中(如香港所有7百萬人口)，有多少人曾經離過婚

B.某年的所有離婚登記數目，除以該年的結婚註冊數目

C.計算在所有結婚的人當中(包括峰芝戀)，有多少會是離婚收場

你選C，是嗎？對了，C是離婚率的意思。

「你今日離左婚未呀？」

可惜，C是統計學上計不出來的。難道你追蹤每位結婚的人，然後定期問他們：「你今日離左婚未呀？」

離婚率的計算，是用B方法[所有離婚登記，除以該年的結婚數目]計的。(見維基百科—離婚率英文版面)

這方法的先天不足有兩個，第一，同年的結婚人士與離婚人士絶不會是同一批人(絶對有可能有一小部分是)。

「大難臨頭各自飛」?

第二，當結婚人數因為某些外來因素減少時，如香港97金融風暴至03沙士期間，該些年份的離婚率即會上升，這並不表示夫婦「大難臨頭各自飛」，即不能如實反映夫妻離婚的機會。(即是說，你要是某次測驗唔合格，你都會話係個測驗出得深左，不反映你能力低左啦)看這段期間的離婚數字只按其長期趨勢上升，而並非突然增加，便可証明。(見圖-資料來源:香港統計處) 

大陸現時的高離婚率，應該很似我們香港在97-03經濟不景期間的情況，因結婚人數低(大陸的高樓價令很多人延遲結婚)拉高離婚率。

觀之於圖，香港離婚率現時大概在30-40%左右，即每三對新人中，會有一對不會白頭偕老。香港這方面的數字真的與國際接軌呀(美國為50%)！