『力不從心』的復甦之路

繼日本長期經濟的停滯後，歐美於08年金融海嘯後的復甦亦顯得力不從心，就好像男人最痛的兩種身體毛病 ── 上圖說出了對其中一項。

日本首先在90年代開始已經歷了這『男人最痛』，歐美今次又會如何呢?

歐美在這次力不從心的復甦中，其失業率的狀況令人慘不忍睹！官方數字兩者皆見約10％之高！（未計算那些失業一年以上而退出勞動市場的人，歐美的高福利使這類人應該為數不少）

http://epp.eurostat.ec.europa.eu/tgm/table.do?tab=table&plugin=1&language=en&pcode=teilm020
http://www.tradingeconomics.com/Economics/Unemployment-Rate.aspx?Symbol=USD

失業會否像三十年代大蕭條（美國失業率高至25％）？未必，但美國工作職位正逐步由高收入（銀行、製造業等）職位轉成為低收入職位（零售、個人護理等）。美國經濟一向以消費帶動，試想當勞動收入下跌，即使政府一路泵水又可以點？

試想若你做開間銀行摺埋左，你只可去做佐丹奴因此收入減少，而展望你老本行呢一兩年都唔會翻到身，即使有人話免息借多多錢比你，你會 A）借黎繼續番以前的消費水平？ 或 B）有咁耐風流有咁耐折墮，唯有認命節衣縮食駛少d？美國人依家就面對呢個情況，而比以上例子更差的是，佢老哥本身已經爭落周身債！

睇黎日本好快佢老大哥美國會（經濟）『落黎』陪佢啦～