博客搬家了

各位，

我的博客已經搬到新網址了，原有訂戶需要重新訂閱。
請繼續多多支持！

新網址：經數學園 ronaldchik.blogspot.com

經數學人Ronald Chik

數字人生：今日嬰孩有3成活過100歲

根據英國最新估計，今日出生的嬰兒有30%的機會可活到100歲。

我估計香港跟英國應該相差不遠，頂多會比英國更長壽，因為香港一向都係最長壽地區三甲，與日本不相上下。

咁長命，真係要係退休前儲定多啲錢先得啦！(不過好彩香港人大不了退休返內地養老)

文中提到反而現時一個80歲的老人，其能活到100歲的機會只有7.7%的機會活過百！真諷刺。咁即係話，明明已經跑到在80米的位置，而人地先係起跑線上但最終都跑贏你！

資料來源：Marginal Revolution

最熱門密碼 : "123456" "123abc"！點記密碼才好？

 
Economists 剛發了一篇文章講述一些最熱門密碼，真係懶得緊要，真係隨手拎嚟就當密碼。因為一般人都懶去記，特別現在你每每去一個網便要開新的用戶及密碼，比起以前只需要記一個提款卡密碼多得多。

文中提到創作密碼的一個方法很好，是記一句英文的每個英文字的第一個字母。例如：“I am the strongest in the world” 可變成 “imtsitw”，其他人再另都估你唔到！文中尚有其他好方法，詳情按此。

尚有一點文中未有提及的是，相信大部份人都知的了，但都提一下，就是：重要的（如網上理財）與不太重要的密碼（論壇的）要分別使用兩種不同組合呀，因為你上網上論壇被人盗取資料較高，即使中招都不太傷害！


記密碼軟件

到於記密碼，有一些電腦免費軟件可以幫到很大忙！

Windows 的有 Keepass，選 Classic 的便好，易用一點，它亦有免安裝版。介紹看此。

亦有雲端的，是瀏覽器的 Plugin，但我比較無信心，只用作記錄一般論壇密碼：
IE，Firefox 及 Chrome 都有：Lastpass ，介紹看此。

數字人生：美國十年 工廠生產量升3成 工人量跌3成

 蔡東豪：「過去10年，美國工廠生產量上升3成，但工廠就業下跌3成。」

資料來源：《爽報》

「過去10年，美國工廠生產量上升3成，但工廠就業下跌3成。」
《大西洋》雜誌

100年前，科技進步徹底改變了工業和農業，大量生產需要大量人手，沒技能的人也容易投入工作大軍，這時期有技能和沒技能的人收入差距不大。
過去10年資訊科技改變了工作環境，重點是生產力大躍進，需要的人手減少，技能變得重要，有技能的人和沒技能的人收入差距愈來愈大。
美國工業有沒有問題？唔知點答，生產力上升永遠是好事，代表生活水平提高，水漲船高，所有人或多或少會受惠。另一方面就業下降，而失去份工的人多數是欠缺技能的一群，這些人最難搵工。
或者這是進步的代價，100年前工業和農業未踏上高速生產力快車的時候，人與人之間比較平等，不幸的一群、犯過錯的一群，會有第二次機會，讓他們從頭再來，不難再走入主流。
今日被拋出生產力快車的代價，是可能永遠趕搭不上。提升生產力是工業的永恒目標，但同時製造出解決不了的社會問題。

蔡東豪

文中提到，這樣會使失業上升。

但這等於你問，用電腦打字使街邊寫信佬失業，有自動擦鞋機會使擦鞋仔失業，咁好唔好將啲嘢自動化呢？

數字人生：六成人放假就病

資料來源：《爽報》

數據是來自內地雜誌的一項調查。証明內地依家真係同我地香港已經追得好貼啦，做嘢做到「得閒死唔得閒病（所以咩留返放假病囉）」唔再係我地香港打工仔嘅專利啦！

數字人生：只有5.5％的專利持有人為女性

在 Marginal Revolution 中看到作者指出，"Only 5.5% of the holders of commercialized patents are women..."，正所謂「事出必有因」，為什麼女性這麼少呢？

在我印象中，女性從小到大都比較不太有探求精神，你何來有見過女孩子把阿爸的收音機拆散，「阿爸，原來收音機入面係冇人係入面架！」，咁丫？咁由細個培養到大個，自然較少女仔讀工程系（參與發明）囉！

市場乜都有：專業放狗員

如果我可以一次過放幾隻，咁咩都好和味下喎。唔難架，你冇見過啲菲傭「坐」係公園，一路「放」狗咩？

圖片說故事：中國人均GDP仲差美國100年

已經使用了PPP購買力平價計算。即把兩地物價差異已經計算在內。

唔講唔知：茶、茄汁、雞竇

我一直都覺得 ketchup 呢個英文太似中文啦！果然真係！多謝楊懷康。tea呢個真係估唔到，cat house 就直情大開眼界啦。

資料來源：壹週刋

Youtube How to Get into Harvard acted by 林書豪 Jeremy Lin

剛在網上「碰到」這個video，睇到佢呢段片真係開心過中左六合彩。
同學門，學下人地點樣入哈佛啦，唔好入錯祖國北方果間呀！
仲有，佢頭一段啲數真係神級！

中銀百週年紀念「炒」，論機會成本

香港，果然係靠做貿易起家！

當我仲係到担心緊今次會唔會好似上次「渣打150週年紀念鈔」咁，「冇價又冇市」既時候，啲長者炒家就已經攻陷咗一間又一間既中銀分行啦。

從新聞片段可見，情況就況如世界未日來臨，大家瘋狂搶買糧食咁。充分表現出我地香港人「執輸行頭慘過敗家」既「香港精神」。

但係，你有冇去搶丫？若果有，你就好啦！呢頭由銀行攞完紀念鈔($150)，果頭就即刻有人用幾倍價錢同你買喎($700-$1400)。我就有朋友同我講，佢識人嘅老婆頭兩日都每日去排隊，結果每日都執到$1200($1500收兩張)，已經賺左3日啦，佢手上仲有跟住兩日嘅籌！即係話，如無意外，佢跟住嗰兩個籌，應該可以每個都幫佢「創造」到$1200嘅價值！咁樣計法，佢今年咩由中銀代替左「正苦」派咗6000蚊比佢囉！直頭好賺過炒iPhone啦！我阿媽仲勁，佢識人(可惜唔係佢本人)有朋友係馬鞍山中銀頭兩日都去排，每次都可以「得道輪迴」到，即係同日買完第一次番轉頭仲可以排到隊再買到第二次！咁真係唔怕輪迴多幾次呀～

但我前日打羽毛球嘅時候就有個波友話啦：「唏！我先冇咁得閒去排隊啦！」

「咁你又得閒嚟打波？」我心諗！

係喎其實，當然，「排隊炒紀念鈔」表面成本(Explicit Cost)就係$150啫，但既然你同我又冇去排，我既波友又冇去排，咁即係對佢地嚟講，「排鈔」嘅隱含成本(Implicit Cost)相當高。隱含成本是你選擇做一件事情要犧牲嘅價值。

經濟學最基本嘅其中一個概念是：你所有選擇去做的事，必然是「(其)價值」高於「(機會)成本」的。而機會成本側包括兩類成本(表面及隱含)之和。

電視新聞見到，頗大部分排隊的人均是公公婆婆C9(他們主宰住大部分各式各樣的排隊活動！)。他們選擇去做(排隊)，因為一般公公婆婆C9都好多時間，亦冇乜特別野去做，佢地排隊嘅「機會成本」好低。即係話，佢地若果唔去排隊，原本會揀去做嘅嘢(去公園坐、或茶樓飲茶、或打麻雀)對佢地嘅價值都好低，去排隊犧牲唔大。

同樣，你不會做「機會成本」高於「價值」的事。上文所述的「波友」，據我所知，差不多日日都打波，打波對佢嘅價值肯定很高。即係話，若果有得打波，佢寧可放棄好多嘢，包括放棄去排隊「炒鈔」會賺到嘅錢。所以對佢嚟講， 「炒鈔」嘅價值(賺到嘅錢)，少於其機會成本(「打波」對佢嘅價值)，所以就冇去排嘞。

不過，我相信佢一定係錯估咗「炒鈔」嘅價值！特別係若果佢知道埋我阿媽馬鞍山朋友嘅「輝煌戰績」之後，佢一定唔會話：「唏！我先冇咁得閒去排隊啦！」哈！

市場乜都有：吸咖啡因

嘩！連飲 Expresso 都嫌麻煩！？不如加埋落煙仔到得唔得呢？

我記得我小學時有位老師說過，將來人類每餐只會食藥丸食物。因為咁樣咩可以慳番啲時間做其他嘢囉！係呀，睇怕到時放 lunch 就只會得番 5 分鐘啦！

填網上問卷20多份問卷便可以有HKD380左右

係 Da Wok Gum 網站睇到以下優惠，好啱大家要出問卷想參考下人地啲 format 既人士。仲有錢分添，而回報都真係算係幾唔錯。

“GTM和OW、OB一樣都是屬於網上問卷網賺，但GTM回報奇高，每份成功完成的問卷約有30-40積分，每個積分約值USD0.05，只要儲夠1,000積分就可以兌換到USD50(1,000 x 0.05)，即係成功完成約20多份問卷便可以有HKD380左右，回報極佳！即使不符合條件完成問卷，GTM都會慷慨解回贈5積分(USD0.25)，真係中又賺唔中又賺！“
。。。

詳情按此

又要交稅，碌建行或大新有著數

又到左大家一世人有兩樣嘢係一定不能避免既其中一樣啦（記得唐唐曾經咁講過），就係交稅啦。

用信用卡交稅係冇分儲架，我就做左啲功課，希望係度可以同大家分享下。

我 Google 過及略略睇過下，有兩張卡會算有啲著數：

建行（交＄3000 或以上送$100超市現金卷，網上交有額外＄50）
http://www.hongkongcard.com/bank_privilege_show.php?id=8047422 

大新就冇咁大手筆，交＄5000 或以上 有大抽獎，最少 ＄10現金回贈

http://www.dahsing.com/tc/html/credit_card/daily/tax_payment_guaranteed_lucky_draw.html


快啲 share 出去啦。

大家樂 太刻薄 紙巾都慳（好似美心快餐都係咁）

剛才在家樂吃了個下午茶，居然在托盤上沒有給予紙巾！正想開口之際，環看一下，發現在外賣自助架上正正就放有一包家庭裝的潔柔紙巾(見圖)。大家樂真的是要「太刻薄」？連一個幾亳的紙巾都慳？

諗深一層，又唔係喎！佢咁做都係為左達至經濟學上的效率啫。

大家樂佢咁做其實代表左兩樣事實：

1. 啲顧客唔多重視佢以前所提供既紙餐巾（你有幾可用盡佢張大大張既紙餐巾丫），
2. 所以顧客們會寧可要平啲既價錢（因成本可以減低），而願意接受用啲質數較低的庭裝的潔柔紙巾。（我梗係想佢鐵板餐用和牛添啦，但成本就唔同啦嘛！）

市場價格機制其實真的非常有效率，經濟學中說明它會把資源帶領到使用在最高價值的地方上。即是大家樂將係咁將佢原本用係紙餐巾既資源，轉而用左係其他顧客認為更加有價值既地方度啦。
 
當一家算係市場既領導既公司，要做到咁盡既時候，相信市場既營商環境（最低工資、食材通脹等）都應該會係相當之惡劣下。我諗，好快餐飲市場會淘汰掉一些未能控制成本既公司。